金亞淶泰國餐廳

營業中

休息中

以OpenRice搜尋「荔枝角」餐廳，見這間泰國餐廳有幾百個，排名靠前，好評如潮，而且餐廳營業至21:30，不用食得咁趕，就選擇一試。因為係運動前的晚飯，打算食得輕型些少，左選右選下，點咗咖喱豬扒及生菜包。從顏色上看，豬扒明顯焗得太燶，口感並非鬆脆。感覺係醃肉時落太多梳打粉，導致口感太腍、肉質鬆散。至於咖喱，係無層次、好普通的味道，不是泰國好多香料、好惹味個種，亦不是落咗椰奶好Creamy嘅口感，甚至比茶餐廳食到的咖喱遜色。生菜包嘅豬肉，直程有豬肉嘅豬餿味，醬汁同調味都唔夠濃及惹味，完全遮唔到嗰浸味。飲品就叫咗青檸茶、椰汁珍多冰，已經係全晚最正常。雖然晚市泰國菜嚟講，價錢唔算貴，但絕對唔係食評中形容得咁好，本人及朋友都唔推薦👎🏻。