銘興山西刀削麵 (和豐行)

營業中

休息中

其實我每個月都會食1-2次，都有同身邊朋友講過呢間幾好食，但係今次見到整飲品嘅過程真係覺得難以置信，咁樣嘅做法都夠膽死開放式廚房度做。 所有侍應都戴住藍色膠手套，跟住佢哋會戴住呢對手套執枱，沖飲品，以及「直接」手攞檸檬，冇錯，冇用夾，冇換手套，冇用任何工具，就係用唔知掂過幾多嘢嘅藍色膠手套去直接攞起檸檬擺入杯度沖飲品比客人。 我自己都咁啱叫咗一杯有檸檬嘅飲品，當下真係衝擊到唔知講咩好。唔止一個侍應用手攞檸檬，第二個入去沖飲品嘅侍應都係同樣做法，見過呢個場面，我覺得我以後好難再去呢間餐廳食嘢。覺得好失望。