公車泰國餐廳

營業中

休息中

約左個朋友出黎食下野傾下偈，朋友話想食泰國野就揀左呢間位於轉彎位的公車泰國菜，睇門口可能唔覺，但其實入面好大間舖，枱同枱間好濶落。價錢真係超抵食，外賣炒粉麵都係三十幾蚊，已經送飲品，仲有個二人餐可揀兩款餸，又送白飯又飲品，唉吖～疫情真係生意難做，多多支持下佢先。叫左二人餐，加左朋友至愛嘅串燒，再炒左碟菜，超豐富了！珍多冰&泰式凍奶茶飲品好快就到了，大大杯用碎冰的，好濃郁又夠凍，仲唔過甜，天氣咁熱飲杯凍飲特別舒服。泰式豬手豬手炆得好入味又軟腍，豬皮彈牙仲有滿滿骨膠原嘅感覺，好正。泰式青咖哩（豬）咖喱汁非常香口，微微辣好啱口味，豬肉片下得很多，仲有豆角茄子等配料，撈飯食一流。馬拉盞炒通菜滿滿一盤通菜，炒得翠綠，馬拉盞鹹香惹味，又係正。串燒雞肉&豬肉外觀睇起黎一樣，但其實一碟係雞肉一碟係豬肉，上枱時店員有提醒㗎，好貼心。毫不吝嗇的沙嗲醬，串燒上放得滿滿的，個醬勁好味，雞肉同豬肉都切得大大粒，燒得香口肉嫩，高水準之作。白飯跟餐送的白飯，好大碗食唔哂。平日下午唔多客人，同朋友慢慢食吹下水，環境舒服食物好食，食泰國菜又多個好選擇啦！