影片
更多
2024-05-03
135 瀏覽
聽同事介紹，話佢屋企附近有間食左好多年嘅餐廳，有好多唔同嘅煲仔食。今晚佢就帶我過嚟試下。如果唔係佢帶我過嚟，其實都真係唔會留意，果然係低調嘅鋪頭，往往都會令人覺得有驚喜！餐廳就係和富中心對面，算係舊式嘅裝修。原來之前係柴灣開嘅，之後搬咗過嚟北角已經屹立左10年啦。。。薑蔥蠔煲一上枱，滋滋聲，好香。啲蠔全部都大大粒肥嘟嘟咖！十分之肥美。一啖入口爆汁，完全唔會有腥味。蠔炸過再煮真係好正。勁多薑蔥落去爆炒，連啲薑蔥都好好食。每一隻煮完都好大粒，超級肥美！奇味田雞煲呢一個田雞煲，，超大份入面仲有冬菇豆卜芹菜，再加上大量嘅芫荽喺面。加熱撈勻就食得，好大份入面材料好多。田雞煲煮得好入味話不過略嫌田雞切得太細舊，如果大嚿少少會更加正，送飯一流！啫啫通菜煲炒到好香，落左啲蝦乾去炒。通菜又唔老，爽脆好食唔會過咸。油鹽水浸花甲有冬菜又有粉絲喺底，花甲好大隻粒粒都好大粒肥美，仲要好鮮味添！好味到連粉絲都食哂。。。餐廳座位唔多，我地6點半去到就未算好多人，但7點左右已經不停有客人入座，到我地食定已經full哂，所以想食都係訂枱好啲。同埋啲員工好友善，仲以為啲uncle會好惡，點知又行嚟介紹啲出名菜，我地唔食太
如果唔係佢帶我過嚟，其實都真係唔會留意，果然係低調嘅鋪頭，往往都會令人覺得有驚喜！餐廳就係和富中心對面，算係舊式嘅裝修。原來之前係柴灣開嘅，之後搬咗過嚟北角已經屹立左10年啦。。。
薑蔥蠔煲
一上枱，滋滋聲，好香。啲蠔全部都大大粒肥嘟嘟咖！十分之肥美。一啖入口爆汁，完全唔會有腥味。蠔炸過再煮真係好正。勁多薑蔥落去爆炒，連啲薑蔥都好好食。每一隻煮完都好大粒，超級肥美！
奇味田雞煲
呢一個田雞煲，，超大份入面仲有冬菇豆卜芹菜，再加上大量嘅芫荽喺面。加熱撈勻就食得，好大份入面材料好多。田雞煲煮得好入味話不過略嫌田雞切得太細舊，如果大嚿少少會更加正，送飯一流！
啫啫通菜煲
炒到好香，落左啲蝦乾去炒。
通菜又唔老，爽脆好食唔會過咸。
油鹽水浸花甲
有冬菜又有粉絲喺底，
花甲好大隻粒粒都好大粒肥美，
仲要好鮮味添！好味到連粉絲都食哂。。。
餐廳座位唔多，我地6點半去到就未算好多人，但7點左右已經不停有客人入座，到我地食定已經full哂，所以想食都係訂枱好啲。同埋啲員工好友善，仲以為啲uncle會好惡，點知又行嚟介紹啲出名菜，我地唔食太辣又特登幫我哋同廚房講要少啲辣，呢啲小店都令人覺得幾窩心。
張貼
