影片
更多
2022-10-11
47 瀏覽
食慣咗現代營運模式嘅餐廳，精緻嘅裝潢、公式化嘅服務，但總是感覺缺乏了一些人情味，偶然食一啲街坊店，氣氛熱鬧，客人好似喺屋企一樣舒服，想吹水就吹水，興奮就大叫，就好似以前大排檔一樣，呢間店就完全符合左我以上嘅睇法。☆雞煲加韓燒☆ 宵夜時段$168 任食叫咗個麻辣重慶雞煲小辣，上枱時有少少驚喜，因為真係用鐵砂煲上枱，熱辣辣香噴噴，忍唔住啲雞勁熱嘅時候擺入口，麻辣之中夠晒麻香，亦食得出雞肉嘅鮮味，同埋啲配菜，例如芹菜、蕃茄、洋蔥、青椒等等，讓到成煲雞煲都香味四溢，非常惹味，份量都夠，食完雞之後，可以請姐姐幫手倒湯，除個別配料需要點紙仔外，其他配料可以到雪櫃可以任攞，在配料方面，一定要是各種嘅手工丸，例如蝦丸、鯪魚球、墨魚丸，真的想像不到，在小店都有好彈牙嘅蝦丸，同埋睇得出是新鮮貨，在火鍋MVP- 牛肉方面，沒有將貨就價，牛肉味同質感都相當食得過，另外提供左三四款嘅新鮮菜，打邊爐都可以打得相當健康，因為我哋想專心食火鍋，所以冇用到韓燒爐，但見到隔籬枱枱都有韓燒，韓燒配料嘅選擇亦都相當多，如果去到真係不容錯過。仲有，呢間店除咗雞煲同韓燒之外，在日頭亦有點心豐盈，在晚上亦都有兩餸飯供應，餵飽街坊的
食慣咗現代營運模式嘅餐廳，精緻嘅裝潢、公式化嘅服務，但總是感覺缺乏了一些人情味，偶然食一啲街坊店，氣氛熱鬧，客人好似喺屋企一樣舒服，想吹水就吹水，興奮就大叫，就好似以前大排檔一樣，呢間店就完全符合左我以上嘅睇法。
☆雞煲加韓燒☆ 宵夜時段$168 任食
叫咗個麻辣重慶雞煲小辣，上枱時有少少驚喜，因為真係用鐵砂煲上枱，熱辣辣香噴噴，忍唔住啲雞勁熱嘅時候擺入口，麻辣之中夠晒麻香，亦食得出雞肉嘅鮮味，同埋啲配菜，例如芹菜、蕃茄、洋蔥、青椒等等，讓到成煲雞煲都香味四溢，非常惹味，份量都夠，食完雞之後，可以請姐姐幫手倒湯，除個別配料需要點紙仔外，其他配料可以到雪櫃可以任攞，在配料方面，一定要是各種嘅手工丸，例如蝦丸、鯪魚球、墨魚丸，真的想像不到，在小店都有好彈牙嘅蝦丸，同埋睇得出是新鮮貨，在火鍋MVP- 牛肉方面，沒有將貨就價，牛肉味同質感都相當食得過，另外提供左三四款嘅新鮮菜，打邊爐都可以打得相當健康，因為我哋想專心食火鍋，所以冇用到韓燒爐，但見到隔籬枱枱都有韓燒，韓燒配料嘅選擇亦都相當多，如果去到真係不容錯過。
仲有，呢間店除咗雞煲同韓燒之外，在日頭亦有點心豐盈，在晚上亦都有兩餸飯供應，餵飽街坊的五臟六腑，簡直見到香港人嗰種拼搏嘅精神。
其實除咗食物之外，成間店嘅氛圍、侍應姐姐嘅親切主動、同埋客人們自然嘅熟絡，好似返到屋企咁，這就是地區小店不能取代嘅地方，亦是我覺得相當吸引之處。
張貼
