影片
更多
2025-05-13
406 瀏覽
同屋企人嚟深水埗買嘢，搞掂就順便喺附近食埋晏先走。路經汝州街，見到有間「傑星冰廳」，門面光鮮又就腳，一於不作他選。揀咗豉椒倉魚飯 同 一客粉麵餐。套餐奉送熱飲，轉凍飲+$3，汽水+$8、特飲+$12。條倉魚蒸得唔錯，火候控制得啱啱好，肉滑得嚟又有魚鮮，夾埋啲蔥絲同豆豉一齊食，真係冇得輸！ 粉麵餐揀咗招牌豬潤拼鮮蝦雲吞米線，豬潤好厚身，灼至僅熟，入口爽嫩不老。雲吞大大粒，皮薄餡靚，入面嘅鮮蝦好爽彈，配埋煙韌滑溜嘅米線吃，口感一流！另外仲點咗個馳名豬扒包同咖喱魚蛋，塊豬扒醃得相當入味，肥瘦適中，鮮嫩又有肉汁。魚蛋真材實料，食落彈牙又有魚味，加上索晒啲咖喱汁，濃香惹味。飲品點咗咖啡紅豆冰 同 紅豆涼粉奶茶，兩杯都好正，咖啡濃香又唔會過甜、紅豆渾圓有咬口、涼粉軟糯有彈性、奶茶順滑有茶香。
同屋企人嚟深水埗買嘢，搞掂就順便喺附近食埋晏先走。路經汝州街，見到有間「傑星冰廳」，門面光鮮又就腳，一於不作他選。
揀咗豉椒倉魚飯 同 一客粉麵餐。套餐奉送熱飲，轉凍飲+$3，汽水+$8、特飲+$12。
條倉魚蒸得唔錯，火候控制得啱啱好，肉滑得嚟又有魚鮮，夾埋啲蔥絲同豆豉一齊食，真係冇得輸！ 
粉麵餐揀咗招牌豬潤拼鮮蝦雲吞米線，豬潤好厚身，灼至僅熟，入口爽嫩不老。雲吞大大粒，皮薄餡靚，入面嘅鮮蝦好爽彈，配埋煙韌滑溜嘅米線吃，口感一流！
另外仲點咗個馳名豬扒包同咖喱魚蛋，塊豬扒醃得相當入味，肥瘦適中，鮮嫩又有肉汁。魚蛋真材實料，食落彈牙又有魚味，加上索晒啲咖喱汁，濃香惹味。
飲品點咗咖啡紅豆冰 同 紅豆涼粉奶茶，兩杯都好正，咖啡濃香又唔會過甜、紅豆渾圓有咬口、涼粉軟糯有彈性、奶茶順滑有茶香。
張貼
