傑星冰廳

營業中

休息中

晚市自己一個去食飯，雖然係小店格局，但卡位間隔寬敞，側邊都有單人位，就算自己一個食都唔尷尬。 晚市係一個餸配一個飯，所以幾個人黎食就可以了當食小菜，呢個價錢都幾開心。我想食幾個餸但耐何我自己一個，所以點左個雜果咕嚕肉飯，平時咕嚕肉都有骨加難咬，但呢個餐廳用腩位， 好易咬而且食到脆炸感！ 雜果有用再椰果，菠蘿同檸檬加三色椒。成碟都好滿滿既肉，食到抱住個肚走😂 加左個特飲紅豆冰，淡奶比例恰好，碎冰透心涼而不稀釋豆香。飲到底勺起半杯紅豆，誠意超越連鎖店！ 下次再戰會想食豆豉倉魚，見到隔離枱條倉魚大過隻碟，所有肉都清晒

在深水埗舊區街角，我經常會來這間充滿人情味的「傑星冰廳」。餐廳保留了傳統冰室的格局！！最特別的是設有自助生果區客人可隨意夾取西瓜、橙等時令水果，在悶熱夏天尤其幫助到客人消暑！！今次試了：🌟招牌印尼撈麵
可自由搭配配料，今次試了兩個版本：•大撈配煎蛋和椒鹽豬仔骨，煎蛋流心！•細撈配咖哩魚蛋，咖哩汁香而不辣，撈麵質地爽口，醬汁分量剛好不會過鹹！🌟歐陸扒餐
脆脆魚柳的外皮酥脆，配上司華力腸、煎蛋和忌廉汁，份量都多！整體是港式扒餐的風味！傑星冰廳的最大賣點是價錢親民（大部分餐點$40-$60）和免費生果！食物質素真的對得起價錢！服務員態度友善，充滿街坊店的人情味！飲品：紅豆冰夠經典！凍檸檬菜蜜酸甜平衡，都是穩陣之選。

今日同朋友去咗屋企附近一間茶餐廳食晏 叫咗幾樣經典菜式 同大家詳細分享下今次嘅用餐體驗～首先登場嘅係茄汁芝士豬扒拼腸仔焗飯 一上枱就見到金黃色嘅芝士鋪滿成個飯面 🙌🏻用叉輕輕一拉就有完美拉絲效果 豬扒切得厚度適中 肉質唔會太韌 配埋微酸嘅茄汁幾開胃 🫶🏻跟住試咗五香肉丁咖哩魚蛋米線 湯底香濃得嚟唔會太鹹 咖哩味恰到好處 魚蛋彈牙有嚼勁 👅而五香肉丁嘅油香出奇地夾 米線煮得剛好 唔會太淋 吸晒湯汁之後更加好味 好滿足！小食方面 酥炸墨魚丸炸得金黃酥脆 咬落去外脆內軟 仲食到粒粒墨魚肉 🔝瑞士雞中翼煮得夠淋 甜甜哋嘅醬汁完全滲入雞肉 咬落去仲有肉汁流出嚟 水準唔錯 😎最後當然要試埋佢哋嘅斑斕咖椰鮮油多 多士烘得香脆 斑斕咖椰醬嘅香甜同冰凍牛油形成完美對比 埋單計數，兩個人食到飽飽都係百零蚊，以而家嘅物價嚟講真係算抵食 💡呢間茶餐廳食物的份量又足 絕對係街坊午餐嘅好選擇 ！傑星冰廳 (深水埗)深水埗汝州街219號地舖

深水埗平民飯堂，中午去到好多街坊幫襯！ 讚嘆茶餐廳選擇真多，一啲都唔容易揀！ 「三眼仔👀豬扒飯」$60連飲品，豬扒煎得好香，三隻太陽蛋一篤穿就上演流心瀑布，撈埋豉油飯超正～重點係飯粒乾爽唔漿口，抵讚！ 常餐$45，豬潤通粉嘅豬潤厚身爽脆～牛油多士烘到脆卜卜。 $36有6件金黃泡泡嘅雲吞，咬落「咔嚓」聲直頭上頭，蜂蜜芥末醬仲要係靈魂所在(≧∀≦)♪ 仲有任食生果櫃，火龍果清甜、西瓜爆汁，食完可以瘋狂refill人均$70 仲要冇加一！

今天下午，我們去到深水埗汝州街傑星冰廳午餐。我們入到去餐廳，已經有很多客人，可見這間餐廳在這裏的知名度。#椒鹽豬仔骨蛋蓋飯 $63我點了椒鹽豬仔骨蛋蓋飯，味道鮮美，豬仔骨外脆內嫩，蛋液滑順，搭配白飯，簡直絕配。為了消暑，我選擇了少甜的凍鴛鴦，清爽解渴，完美提升了用餐的體驗。#鴛鴦扒 $72朋友則點了鴛鴦扒，肉質鮮嫩，配上特製醬汁，讓人食指大動。他還點了鴛鴦涼粉冰，清涼可口，讓人回味無窮。最後，埋單147元，這樣的價格真是經濟實惠。

一街幾間茶餐廳，朋友揀左食傑星冰廳，入到黎覺得咁熟口面嘅，原來之前食過😆餐牌轉左但價錢無變，六十幾蚊起就有客飯，價錢相當貼地。⭐菜心炒牛肉菜心軟嫩牛肉香滑，炒得幾好食，份量仲好足添。⭐蔥爆牛扒呢個一般，蔥爆牛扒但蔥呢？得切碎左嘅蔥花，仲有青瓜片、三色椒、洋蔥、芽菜等同炒，味道ok嘅。⭐豉汁蒸䱽魚呢碟勁抵食！原條䱽魚大大條，蒸得剛好魚肉嫩滑，正😍⭐白飯好大碗飯，比其他茶仔大碗！⭐鴛鴦涼粉冰 & ⭐紅豆冰餐茶轉特飲，港式涼粉冰同紅豆冰😙無加一，抵食！

📍 傑星冰廳 (深水埗)深水埗汝州街219號地舖✨雜果西檸雞扒💰62雞扒切成粒炸，方便進食，配上新鮮嘅雜果，酸酸甜甜，啖啖都有驚喜！西檸嘅香味更係提升咗整體味道，食完之後令人心情好好。✨酸菜豬潤炒肥腸💰78呢道菜真係一絕！酸菜嘅酸味同豬潤嘅香味融合得恰到好處，肥腸炒得剛剛好，唔會太油膩。每一口都有滿滿嘅味道，食完仲想再嚟一碗白飯。✨黑椒牛仔骨💰78牛仔骨嘅肉質非常嫩滑，黑椒醬汁味道濃郁，帶有一點微辣，真係啖啖都好過癮！同白飯簡直就係完美嘅搭配。✨鹹檸七💰跟餐加$12最後呢杯鹹檸七，真係解渴又好飲！鹹檸嘅味道加上七喜，清新醒腦，食完重想飲多杯，真係夏天必飲嘅飲品！回頭: yesss，傑星冰室嘅晚市小菜套餐，無論係味道定係份量都好滿意，絕對值得推介！

📍 傑星冰廳 (深水埗)深水埗汝州街219號地舖👉 菜心炒牛肉💰62😋😋😋😋.8/5呢道菜心炒牛肉真係唔錯！菜心鮮嫩，牛肉夠入味，炒到啱啱好，唔會過老👉 金沙骨💰72😋😋😋😋.9/5金沙骨外脆內嫩，金黃色嘅外層好香，食落去有種酥脆嘅口感。肉質鮮美，調味又唔會太鹹，真係一啖接一啖！👉 豉椒蒸倉魚💰68😋😋😋😋.9/5倉魚好鮮，豉椒醬味道夠香，帶有一絲微辣。熱食嘅話，魚肉滑嫩，配上白飯真係超正！👉 酸菜豬潤湯💰跟餐加$8😋😋😋😋.7/5呢個湯味道濃郁，酸菜同豬潤搭配得好好。湯底清甜，飲落去暖心👉 熱杏霜💰跟餐送😋😋😋😋.7/5熱杏霜滑滑地，味道香甜，暖暖地感覺好舒服👉 花奶涼粉冰💰跟餐加$12😋😋😋😋.7/5呢個飲品清涼解暑，花奶嘅香味配上涼粉，口感滑溜回頭: 傑星晚市小菜套餐味道多樣，適合同朋友一齊分享👍🏻👍🏻

同屋企人嚟深水埗買嘢，搞掂就順便喺附近食埋晏先走。路經汝州街，見到有間「傑星冰廳」，門面光鮮又就腳，一於不作他選。揀咗豉椒倉魚飯 同 一客粉麵餐。套餐奉送熱飲，轉凍飲+$3，汽水+$8、特飲+$12。條倉魚蒸得唔錯，火候控制得啱啱好，肉滑得嚟又有魚鮮，夾埋啲蔥絲同豆豉一齊食，真係冇得輸！ 粉麵餐揀咗招牌豬潤拼鮮蝦雲吞米線，豬潤好厚身，灼至僅熟，入口爽嫩不老。雲吞大大粒，皮薄餡靚，入面嘅鮮蝦好爽彈，配埋煙韌滑溜嘅米線吃，口感一流！另外仲點咗個馳名豬扒包同咖喱魚蛋，塊豬扒醃得相當入味，肥瘦適中，鮮嫩又有肉汁。魚蛋真材實料，食落彈牙又有魚味，加上索晒啲咖喱汁，濃香惹味。飲品點咗咖啡紅豆冰 同 紅豆涼粉奶茶，兩杯都好正，咖啡濃香又唔會過甜、紅豆渾圓有咬口、涼粉軟糯有彈性、奶茶順滑有茶香。

📍深水埗的傑星冰廳✨以其地道的廣東小菜著稱。這裡的環境輕鬆舒適，是個與朋友聚餐的理想地點。今天，我們一同品嚐了幾道招牌菜，真是讓人回味無窮！✴️鮮蝦雲吞 🦐鮮蝦雲吞的皮薄透亮，包著新鮮的蝦仁，口感彈牙，每一口都能感受到蝦肉的鮮甜。湯底清淡卻不失鮮味，與雲吞相得益彰。吃的時候，蝦肉的鮮香在口中蔓延，配合清湯，令人心情愉悅。✴️瑞士雞中翼煎雙蛋米粉 🍳這道瑞士雞中翼煎雙蛋米粉，色香味俱全。雞翼肉質鮮嫩多汁，搭配煎蛋的香滑，口感層次分明。米粉吸收了雞肉和蛋的精華，味道濃郁，卻不油膩，吃起來十分過癮。每一口都是滿滿的幸福感！✴️豉椒蒸䱽魚 🐟豉椒蒸䱽魚的魚肉鮮嫩，蒸得恰到好處，保持了魚的鮮甜。豉椒醬的味道濃郁，帶有微微的香辣，為魚肉增添了不少風味。搭配著蒸魚的清香，讓人忍不住一口接一口。這道菜不僅美味，還非常健康，是真正的海鮮愛好者必試之選。✴️菜心炒牛肉 🥩菜心炒牛肉是一道極為經典的廣東菜，牛肉切得薄厚適中，炒至剛好熟透，保持了肉質的滑嫩。菜心則清脆爽口，色澤鮮綠，與牛肉搭配，形成完美的口感對比。這道菜的醬汁與牛肉的香味結合，令人胃口大開。✴️斑斕咖央西多士 🍞最後，我們品嚐了斑斕咖央西多士，這道甜品

今日晏晝，可能早出街，肚仔打鼓咁嘈，咪走咗去深水埗醫肚囉。傑星近A2地鐵口，都幾易搵㗎。搵個位坐低，諗都唔使諗就叫咗個午餐E，係豉椒䱽魚飯，再加杯熱奶茶。豉椒䱽魚飯一嚟到，嘩，好大條香噴噴，啲豉椒味勁惹味，撈埋啲飯一齊食，真係正到dum dum聲！啲䱽魚都蒸得好入口好新鮮，唔會太乾，啱啱好。至於杯熱奶茶呢，茶味夠濃，奶又夠滑，飲落去暖笠笠，成個人都舒服晒。不過講真，傑星冰廳嘅座位都唔算話太多，但好在剛剛有人走，我夠晒行運。街坊生意好多人食，裝修有親切感。總之，如果你想搵間夠晒local嘅冰室，食啲夠晒港式嘅嘢食，咁傑星冰廳絕對係一個唔錯嘅選擇。下次得閒，我都會再去幫襯㗎！

🌟蔥油豬扒雙蛋*意粉 $56 救命～呢個組合真係無得輸！😍 厚切豬扒咬落juicy到漏汁🐷 配埋半熟太陽蛋撈意粉🍳 蔥油香到痴線～成個口腔都係幸福味道💛 🔥咖哩芝士雞扒拼腸仔 $58 邪惡double kill組合警告⚠️ 濃稠咖哩汁撞半溶芝士🧀 雞皮煎到脆卜卜🐔腸仔仲係童年回憶嗰隻味！ 撈飯食真係停唔到口🤤 💥流心蛋醬骨飯 $58 蛋黃控必嗌！一篤穿即刻瀑布流心🥄 醬骨煮到超淋身～啖啖都掛滿甜豉油🍖 白飯殺手認證✅ 食完成個碟乾淨到反光✨ 🍉✨隱藏彩蛋：自助水果吧！ 食完濃味嘢點可以唔清下口腔？🍇 火龍果甜到爆汁💗 提子爽脆無核🍇 木瓜仲要切到靚靚任裝～ (仲想點啊？跟餐免費任食超回本！) 📍傑星冰廳 深水埗汝州街219號地舖 （深水埗站D2出口行3分鐘🚇） 👩🏻💻小評： 人均$60有找💸 碟頭大份到嚇親 阿姐服務仲好nice～ 街坊價錢x懷舊風味x健康加分 想慳錢又食好西嘅姊妹快mark低！📝

最近深水埗汝州街新開咗間茶餐廳「傑星冰廳」，位置算方便，價錢親民，選擇夠多，感覺主打街坊熟客生意。平日晚市時段都坐得七七八八，睇落都幾受歡迎，今次同老公嚟試試，點咗幾款招牌小菜。首先係蔥爆牛排配飯上枱時已經聞到陣陣蔥香，牛排切成適中大小，表面炒得香口，咬落去肉質有嚼勁但唔韌，醬汁鹹香中帶微甜，撈飯非常適合，簡單又滿足。蝦仁炒蛋飯蝦仁爽口彈牙，飯粒炒得分明，完全唔覺油膩，配搭青瓜、青菜、火腿一齊，夠家常又幾好食椒鹽豬仔骨外層炸得乾爽酥脆，啖啖肉之餘，椒鹽調味唔會過鹹，咬落香口惹味，骨頭比例適中，食落唔會覺得太多骨最後酥炸墨魚丸亦有驚喜，外皮炸到金黃脆卜卜，咬開時內裡煙韌彈牙，墨魚香味濃郁，唔會有雪藏味，配搭椒鹽食特別惹味。整體嚟講，傑星冰廳價錢合理，味道有誠意，唔花巧但勝在穩陣，環境乾淨企理，服務態度親切，十分適合街坊日常食飯，想輕鬆食飽一餐，呢度會係個唔錯嘅選擇。

.#foodie #hk #hkfoodie#HTB美食推介【📍深水埗｜抵食夾大件茶餐廳】🐨經典飯意粉 - 鴛鴦扒意粉 $72推薦度：⭐️⭐️⭐️⭐⭐嚟得茶餐廳最鍾意試嘅就係食最有佬味嘅經典套餐，鴛鴦扒包含咗香煎雞扒同豬扒，可選配腸仔、午餐肉、煎雙蛋等不同食材～ 仲有五款醬汁可以揀添！！今次就揀咗黑椒鴛鴦扒腸仔意粉，鴛鴦扒兩件都非常厚實，煎得香脆保持到肉汁，雞扒嫩滑、豬扒醃得惹味，腸仔都唔馬虎切埋八爪魚形狀😂童年回憶即刻返晒嚟～黑椒汁係絕對經典口味，醬汁偏向厚身重黑椒味，撈埋意粉食就啱啱好啦！成餐飯性價比超高～.🐨奶茶紅豆冰 $12推薦度：⭐️⭐️⭐️⭐奶茶紅豆冰原價$26跟餐，只需12，梗係要飲埋特飲㗎啦😛奶茶偏向奶味重，所以入口好順滑。紅豆有輕輕壓碎，煮得腍身少少甜，紅豆份量亦好多，飲落其實都幾飽肚🤣越飲越滋味～——☼——☼——☼——☼——☼——傑星冰廳 📍地址：深水埗汝州街219號地舖🐨推薦度：😋😋😋😋😋/5 🪸環境：👾👾👾👾👾🗣️服務：👍🏻👍🏻👍🏻👍🏻📸食物打卡度：💡💡💡💡🛠️分類：#HTB深水埗 #HTB港式.#深水埗美食 #深水埗 #港式 #平民 #抵食 #茶餐廳 #美食推介

去深水埗睇玩具，經過汝州街一間冰廳見到啲晚飯套餐相當抵食就入去探一探，冰廳有卡座有圓桌，以綠色為主調配牆上裝飾的確醒神。我們點了幾個晚市小菜套餐加啲小食。菜芯炒牛肉，以最嫩嘅菜遠炒牛肉片，加入薑絲調味，炒到剛剛好，菜芯爽甜牛肉嫩滑。蔥爆牛扒加入三色甜椒同洋蔥爆炒鑊氣十足，牛扒味濃，洋蔥同甜椒剛熟保持爽脆。酸菜豬潤炒肥腸，咸酸菜配內臟配搭係天衣無縫，豬潤吸咗酸菜食多多都得，肥腸更係食到唔夠喉。酥炸墨魚丸夠香脆，瑞士雞翼入味嫩滑。嚟到冰廳梗係叫冰飲，我同朋友就叫紅豆冰，紅豆粒粒分明有咬口又唔硬，甜度剛剛好。另一朋友叫紅豆鴛鴦涼粉冰都話好飲。餐廳份量足價錢平，性價比一流。