明記甜品 (已結業)

今晚搵到住附近的朋友去飲野吹水之前淨係識約去西灣河明記，原來筲箕灣都有明記，仲要喺東大街！超方便呢。呢間明記比西灣河走的風格同路線都唔同，連放menu個架都靚d! 有多款糖水及精美甜品供應。真係好吸引，流晒口水啦。平日夜晚黎，都差唔多坐滿，證明甜品係有一定市場。裝修都唔錯呢。我叫左個生磨蛋白杏仁茶好香口，入面蛋香夠多，好滑，唔會太甜。朋友叫左個招牌生磨芝麻糊再追加湯丸朋友話招牌野，梗係要試，仲話一定唔會伏又啱wor2碗都好正又暖胃最後梗係加多個甜品啦💓我地叫左個紫薯窩夫窩夫同個cone都好脆！窩夫做到外脆內軟感覺，厚厚的紫薯蓉好像雪糕球，賣相靚！ 另外亦配一球有云尼拿雪糕。另外，小丸子好彈牙又有口感。我地埋單時已經有人排隊，真係好生意啦！得閒會再黎。