上美點

營業中

休息中

來上美點買點心或蒸飯很多次了, 因為一個人又懶煮飯, 早餐午餐晚餐都適合, 加上附近有菜檔, 順便買個菜就比較營養均衡。經常都見到好多街坊來買, 因為每樣都是十幾元, 份量足味道又有水準, 在疫情下平靚正美食深得民心。炒麵的份量實在太澎湃了吧, 多得佔據埋蓋位置, 蓋形都出來了。麵條爽口帶有蘿蔔香味, 又有些菜做點綴, 超抵食的。鹹水角是我的最愛炸物, 雖然邪惡, 它很鬆軟香口, 內餡鹹香, 熱氣呀怕肥呀, 通通不理。牛肉球也是我必點的點心, 質感軟腍有牛香, 又有馬蹄和香茜, 製作認真。蘿蔔糕四件大大件, 一點都不粉, 咬下去吃到實在香甜的蘿蔔條。蝦餃也是好大粒, 內裡似是蝦膠混入蝦製成, 甚有蝦鮮味, 如果皮可以薄一點就更好。鵪鶉蛋燒賣都有賣, 幾特別, 豬肉餡幾爽口。雞扎以腐皮包著魚肚、雞件、火腿、芋頭, 十分豐盛飽足, 餡料實在, 雞件滑嫩。鱆魚肉餅飯飯量甚多, 鱆魚入口鬆化不死實, 味道也好夾易送飯。