阿哥小食

營業中

休息中

作為街坊，真係好開心差館里又開多咗一間街邊小食店，每次返屋企聞到都勁吸引，一定要買返幾串先返屋企，有時同朋友出去玩，夜晚返到嚟都會當宵夜咁樣買嚟食！雖然話佢係新開，但係都已經超高人氣，今日遲收工，行到過嚟已經見到都有好多人排隊，不過嘢食好快就準備好～呢度嘅炸大腸真係每次都必點，傳統香港小食，外皮炸得超酥脆，口感鬆化完全一啲都唔會覺得佢死死實實！懷舊豬油渣粉超好味，上海麵軟硬度剛剛好，有埋冬菇、肉絲同菜譜，真係勁亂胃，不過重點都係有豬油渣！呢度嘅咖喱拼盤都好多人叫，咖哩汁好出色，魚蛋夠彈牙，咖喱汁嘅味道亦都食得出好有層次感。滷味同炸八爪魚丸亦都係一d我好鍾意叫嘅嘢。