竺扶大班燒味

營業中

休息中

經過灣仔，記得上次去過竺扶大班燒味啲燒味好正，高質👍🏼價錢又抵食🤤一於去吃吃！聽講午市成日大排長龍，我去嗰時係下午茶時間～都好滿座💗見到好多街坊幫襯，又有好多係附近上班一族，仲有啲食客係專程嚟，果然係灣仔燒味人氣店。入面坐得都好好舒服。我就點咗至尊古井燒鵝拼燒腩仔配瀨粉👍🏼（ $62；下午茶時段＄49）。燒鵝嚴選 5 斤半嘅雌鵝～用自家秘制陳皮醬去醃製內籠，好有古早風味！鵝味香濃，外皮又燒得靚～而燒腩仔都正！肥瘦均勻外皮香脆入口有油脂甘香。仲有老火靚湯（+$6）必點啊～當日粉葛湯，濃郁鮮香好足料。