彬記粥麵美食 (已結業)

突然想食粽同腸粉， 諗起呢度有間粥麵舖就入嚟試下， 叫咗個艇仔粥加皇牌鹹肉粽，個粥熱辣辣係ok嘅， 冇驚喜但係都總叫入到口，但係嗰隻蛋黃鹹肉粽， 個蛋黃細得出奇， 諗住叫皇牌鹹肉粽，唔會差得去邊啦， 嗰個蛋黃應該係一半都冇， 肥肉就多。牛肉腸出奇嘅難食， 咁耐都未食過覺得難食嘅腸粉， 最多係冇咁好食啫，呢個牛腸唔滑唔香不特， 做到可以有塑膠嘅質地同埋感覺，真係唔係咁容易........隻粽加埋腸粉真係令到之前食咗個碗粥扣曬分。可惜！