Oyster Season

營業中

休息中

連日係咁落雨，落到街都唔想出街，今日適逢父親節想帶兩老食餐好d, 因為落雨關係唔想行咁遠所以就係屋企附近食，前排見到寶欣介紹元朗西餐廳話蠔加威士忌再加上近所以就試下book 呢間啦，早兩日打定電話留枱。去到門口有射燈射餐廳名係地下好易搵到，坐低已經有職員送上香賓每人一杯，叫左個蠔湯，一set 蠔跟威士忌，肉眼，煎羊腩，燒法國雞，明太子海膽意粉同兩個甜品同紅酒，店員仲主動請左我地飲兩杯威士忌set 蠔黎到時店員介紹有個食法係餐牌入面既，就係先加威士忌落蠔飲左d 蠔水，然後再滴落蠔食蠔，d 蠔味真係係我個口度爆出黎（寶欣應該係無誇張到）但唔記得影相蠔湯蠔味唔重正正常常問過職員五成熟最好食，點埋綠色個醬幾好食法國雞係有四舊既但兩老仲快過我部相機我又拎左一舊，外面烤到脆但肉質又好滑有驚喜呀媽點名要食羊，所以叫左客，個醬職員話係沙律醬加腐乳，岩曬佢食呢個意粉海膽味好濃烈，意粉硬度又適中食埋甜品走人，有個心太軟又係無影期間店員介紹原來可以叫佢地訂定食材和牛，龍蝦只要佢買到都可以訂定呢一餐兩老都好滿意，仲免加一值得再黎。