一生懸麵

營業中

休息中

去到牛頭角得寶商場，竟然會日式拉麵食，btw個商場嘅裝修都幾特別，有舊香港風味嘅設計。店舖間叫大，職員就有三個，服務都唔差，幾有禮貌，但就係迫咗少少，不過香港寸金尺土，所以唔緊要啦。葉松蟹沾麵 $98都幾多料，除咗有蟹腳之外，仲有紫菜、魚籽、露荀同叉燒。麵就要咗凍麵，食落比較有口感，同沾上熱湯嘅時候，一冷一熱，幾有趣。蟹肉幾甜，唔腥，都幾新鮮，叉燒係燒過嘅，食落好香口，多餘嘅脂肪都會燒走，食落冇咁油膩。湯頭飲落唔夠厚，雖然夠味，但口感上爭咁啲，唔係幾沾得上麵到。