唐宮小聚 (The L. Place)

營業中

休息中

秋天是食蟹季節，當然不少得蟹粉宴啦。餐廳裝修非常別緻，有別一般中餐廳，走的是年輕活力路線，餐廳更設有乒乓枱作飯枱，如果沒有客人使用仲可以打返場乒乓波添～蟹粉炒飯 蟹粉真係好足料，滿滿的蟹肉及蟹膏，配上炒飯真係一流！略嫌蟹粉薑味偏重，如果淡一點就更能突顯蟹的鮮味。炒飯炒得夠乾身，飯粒分明，一點也不油膩，調味亦不錯，不會太鹹。蟹粉窩粑 （＄118）窩粑脆扑扑，配上熱辣辣的蟹粉真係好正！蟹粉拌麵 （＄88)蟹粉配冷麵真是第一次見，蟹粉味道不是很突出，但清清地都幾好食。燒乳鴿 （*依家優惠價$38/隻）香噴噴熱辣辣的燒乳鴿，肉質嫩滑多汁，味道濃郁惹味。雖然外皮不是十分鬆脆，但索滿肉汁份外香口！乒乓麻球 ($39/3粒)麻球外表鬆脆，富有芝麻香，煙煙韌韌的非常香口。起初以為內裏的離不開是麻蓉、花生蓉等常見的餡料，但今次竟然採用了菠蘿蓉！一咬便嘗到很香的菠蘿味，甜甜酸酸的，好似食緊鳳梨酥，好好食！