富士山55 (拉麵沾麵專門店) (已結業)

成日都話有咩留返拜山之講，今日就寫篇拜完山之後食左既富士山55。睇返富士山55最近有好多食評係關於季節限定既海膽沾麵，考慮過海膽沾麵既價錢同由於之前試過豚骨沾麵，所以今次叫左個櫻花蝦沾麵。櫻花蝦沾麵先講湯底，無之前食豚骨湯底咁''杰''，但櫻花蝦十足，湯底味道有少少濃，但沒有豚骨的那麼咸，因為有大量櫻花蝦帶出鮮甜味。配料方面主要有叉燒同糖心蛋，叉燒不過不失但易散，糖心蛋有少少流心。喜歡口感的我點了硬的麵身，麵算彈牙。麵沾過湯後能掛上湯，掛湯後雖然無掛豚骨湯咁味濃，但可以連少少櫻花蝦湯一齊食，櫻花蝦的味道會更出。沾麵既湯底對成碗麵好重要，今次櫻花蝦湯個味道係鮮加甜重要成碗都係蝦！唯一不足係湯底凍得太快，要享受到最熱最好味既湯底就需要用電磁爐加熱。而令到個湯凍得太快其中一個原因係冷氣吹風太大，如果可以改善就真係一間性價比高既沾麵！