祺森冰室

營業中

休息中

生平第一次入坪洲。住咗長洲十年多，真係無咩興趣去其他離島走走。今次快閃入坪洲行吓又睇睇有咩好野食。聽聞哩間祺森冰室唔錯，佢地個蝦多士阿蘇都讚好。一聽到阿蘇，寄望即刻無咗一半！點解呢？你懂的！叫咗客全日早餐，當然要試試噤出名嘅蝦多士啦！全日早餐煙肉處理得過咗火，無咩肉汁，如果中意食脆口感可能會中意。終於到主角出場，首先蝦多士唔係好熱，啱哂，因為已經行到鬼噤熱，唔想再食辣口野，亦因為唔太熱，感覺唔太熱氣。雖然唔係好熱，但脆口感依然不減喎，讚！食上去內裡好似唔只有蝦膠，好似重有薯蓉，味道唔錯！再講講外形，脹卜卜，好鬼q。今次跌眼鏡，阿蘇無介紹錯囉！PS: 今次好輕鬆快閃去坪洲，多謝感恩有你陪我癲。