臺北棧 (荷李活道) (已結業)

今日同同事去中環食台灣菜，估唔到而家嚟食都仲要排隊果然係熱門餐廳，7:45嚟到都有兩台等緊八點鐘就可以入座喇。去食台灣菜又點可以唔叫蛋餅呢，同同事一人一個，再share食，台式肉鬆榨菜蛋餅，呢一個配搭完全好似食緊粢飯咁樣，榨菜清脆，配埋肉鬆都係冇得輸，蛋餅中間薄薄一層蛋，蛋香味濃郁。另外叫咗薯泥起司松露蛋餅，呢個薯仔就相對比較膩一啲，薯泥口感好香滑，外層嘅芝士味道好出，鍾意食芝士同薯蓉嘅朋友真係唔可以錯過，蛋餅好薄，面層再加埋黑松露醬好夾。滷肉飯，睇落好似好細碗咁，但係其實個碗好深，滷肉飯好入味，肉質夠軟淋，味道唔太鹹，又有飯香舊正宗。甜品又點少得叫一個oreo奶奶麻糬，呢個麻糬真係好滑溜，差啲嘅佢唔塞，味道唔會太甜，仲可以自己撈埋Oreo餅碎控制份量，可以邊玩邊食。