Noc Noc

營業中

休息中

趁阿Sir出咗 trip, 即刻搵機會蛇王，啦啦林早啲放工搵間吧坐吓，吹下水飲下啤酒，真係消暑解渴我都係諗住叫藍妹點知咁快賣晒咁唔緊要啦飲青島都一樣！天氣30幾度，飲支冰凍嘅啤酒真係舒服晒青島 $45。前兩年去土耳其旅行，滿街都開滿小食店，嗰時最鍾意就係食土耳其烤雞卷 $78，而家食返都覺得好回味。醬汁惹味帶微辣，雞肉夠晒嫩滑，番茄濕潤，yummy有啤酒就梗係最好食埋腸仔啦！雜錦德國腸拼盤 $118真係勁抵食，有幾條特色雞肉腸同埋豬肉腸，仲要配埋勁脆薯角，啖啖肉真係冇得頂。酒吧環境舒服 relax, 地點喺正直街後面都算方便