木玥巷 (已結業)

同朋友嚟到朗屏站附近嘅台灣菜食晚餐，呢間餐廳算大，坐得舒服，餐廳送嘅合桃好好味！小食我嗌咗個話梅醉雞卷，啖啖肉，啲肉好新鮮，唔會有雪藏味，啲肉滲透左淡淡的酒香，好啱夏天食！另外嗌咗鮮蚵煎蛋，好大塊，啲蛋都算厚，蚵仔份量多，個甜酸醬好夾味！主食方面嗌咗蟹肉金絲炒新竹米粉，有濃濃嘅蟹味，米粉炒得乾爽，朋友好鍾意呢碟米粉！嘢飲方面，嗌咗玫瑰氣泡蝶豆花茶、伯爵冷萃氣泡茶，個樽好靚，我飲咗蝶豆花果款，有淡淡花香味，非常解渴！