蘇媽.蘇媽馬來西亞茶餐室 (已結業)

行過荃灣廣場外面，就會見到有兩間舖頭有兩個大大隻招牌寫住蘇媽蘇媽，遠處一眼就望到，餐廳一入去好有馬來西亞舊茶餐廳風。座位相對無咁闊落但都坐得舒服，order左份辣死你媽—配咖喱雞肉，係由椰漿飯、魚仔、蝦片、青瓜、花生、咖喱雞、參巴醬組成，咖喱雞大大舊但食落有啲「鞋」，整體都唔錯，幾香椰香味，另外，order左檳城福建蝦麵，由油麵、通菜、大蝦、魚蛋片、豬腩肉組成，小小既一碗，但碗料十分豐富，再加上少少辣參巴醬，成碗層次口感更豐富，值得推薦！