影片
營業時間
今日營業
12:00 - 22:00
星期一至四
12:00 - 21:30
星期五至六
12:00 - 22:00
星期日
12:00 - 21:30
以上資料只供參考, 請與餐廳確認詳情
前日（31-1-2025 Fri）大年初三晏晝，同老公向女友人WYP拜完年後行吓兼食晏，我又係唔肚餓，行吓行吓，就嚟到呢喥，睇吓門外menu，有榴槤多士餅配雪糕，好吸引咁，於是入去坐。店員拎menu嚟，話如要叫快閃優惠小食孖寶，必定叫店員人手落單，其他可掃QR code落單。睇完menu，就要：1. $68.00嘅百吉爹肉骨茶（豬腳彎）肉骨茶食材裡面有金菇同豆卜，今次肉骨茶味唔太重藥材味，豬腳彎都幾腍，雖然肥嘅部份多，但又唔係太膩，我哋舀完一人一碗後，店員即攞壺湯嚟加。4分2. $88.00優惠小食孖寶中嘅玻璃魷魚配通菜小辣落單時，店員問小辣定正常辣，我就答小辣，嚟到見到有好多金蒜，通菜係乾蕹，食落，幼嫩冇渣，冇灼過龍嘅玻璃魷魚爽口，佢嘅辣醬都幾辣，我只夾少少點綴就夠惹味。5分3. $88.00優惠小食孖寶中嘅魚仔醬撈啦啦咩叫撈啦啦？老公上網search，原來係蜆，咁就揀呢個，食吓先，啲蜆同樣灼到啱啱好，熟得嚟滑，魚仔醬都辣辣地，但佢嘅豉油又甜甜地，幾好味，重要係所有蜆都冇沙。5分4. $22.00嘅熱怡保白咖啡少甜少奶呢個老公飲，我冇飲到。5.正價叫一杯飲品，第二杯半價$11.00嘅熱檸檬薏米水呢個甜中有檸檬味，又夠熱，冇問題。4.5分6. $58.00嘅榴槤多士餅配雪糕最後至補叫呢樣，落完單都等得幾耐至到，雪糕有雲尼拿同朱古力味揀，我哋揀雲尼拿。夾有榴槤醬嘅多士餅已切開一半，我哋分好就起動喇，一食，件多士餅外脆內軟，榴槤醬味道正常，但成個係有驚喜，雲尼拿雪糕就唔評啦。5分上次帶爸爸嚟食已經係4年幾前嘅事，原來嗰次佢都飲熱檸檬薏米水（食評係2020年11月14日刊登嘅呢篇：https://www.openrice.com/zh/hongkong/review/yeah-%E6%BF%83%E5%91%B3-e3864042）抵食係2.7分
繼續閱讀
同朋友相約聚舊, 晚上6：30, 所以未有太多客人, 我哋見到有個88元的抵食孖寶, 我哋㨂左一個玻璃魷魚🦑配通菜, 一個素咖喱🍛配薄餅, 另外QR code落單, 再叫一個高佬麵配雞扒🐔, 兩杯熱桔子話梅水, 等左一陣, 玻璃魷魚配通菜🦑送到, 份量唔算太多, 上面加左d炸蒜🧄,食落都幾好味, 另外也送來素咖喱薄餅🍛, 薄餅二件圓圓的, 幾得意😄, 点咖喱醬食落幾香😋👍, 唔會覺得好辣😁, 之後送來桔子話梅水, 見到熱辣辣😉😄, 飲落唔係好重話梅味, 好少好少酸甜味, 但飲落幾舒服😍, 再之後送來高佬麵配雞扒🐔, 份量唔係太多, 細細幼幼的曲麵, 食落當係一般公仔麵, 有d炸花生, 有d炸魚仔, 面頭有一只雞蛋, 撈埋一起食, 味道也不錯😛👍, 雞扒🐔食落幾香, 肉質唔錯, 大家亦留意下, 飲品做緊第一杯正價, 第二杯半價, 都算幾抵, 埋單時另外送上50元coupon, 真係生意難做😅😅,但都算味道可以,坐得舒服😀
繼續閱讀
-喺香港唔係好多餐廳主打馬來西亞🇲🇾菜，而呢間💛餐廳係其中一間出名啲嘅😛 🍜檳城白咖喱海鮮麵🍜檳城福建蝦麵 兩碗都好香濃，配料味道都幾好，我就比較鍾意白咖喱湯底😋 帶少少辣味同椰香味，可以揀油麵/米粉/滲滲😙 之前都食過辣死你媽有椰香飯同牛腩都唔錯，仲有好多魚乾仔好有鹹香😉我叫左小辣唔使驚大辣食唔到😛另外都有朋友食過肉骨茶🍲幾正宗，而且湯可以再refill~ 砂煲老鼠粉就好惹味，老鼠粉同銀針粉都有啲相似，比較厚啲同都幾掛汁😛☕️ 拉茶 拉茶茶味比較濃，好順滑，而且唔會好甜👍🏻📍蘇媽.蘇媽馬來西亞茶餐室 荃灣大壩街71號地舖🍽️ 7.9/10
繼續閱讀
自費‼️記得蘇媽蘇媽最初開喺深水埗，特登去試過，真係好好味！而家越開越多分店，唔使再跑咁遠，好方便！😋 今次我點咗肉骨茶，骨膠原豐富，真係滋補！食肉骨茶要跟住步驟，先最好食，每張台都有清晰指示，黑豉油多啲，頭抽少啲，飲湯時有淡淡的蒜香，仲有甜味，飲到停唔落口！🍜 食完仲可以任添熱湯，天氣冷，飲個肉骨茶真係暖笠笠，舒服到不得了！❄️ 另外，我仲點咗高佬面配雞扒，面雖然好深色，但唔會太咸，雞扒真係超大份，肉質香濃，份量又足！旁邊有啲辣醬，唔係特辣，反而有啲甜味，仲有魚乾同花生伴碟，令成碗面更加香脆！🍗 咖央多士必食！厚到不得了！啱晒鐘意食咖央嘅朋友！🥯 飲品方面，推介冬瓜龍眼茶，入面有好多龍眼肉，仲有冬瓜條，清甜又好飲！總括嚟講，蘇媽蘇媽真係唔可以錯過，食得開心又滿足，值得再去！❤️
繼續閱讀
呢日去荃灣大會堂睇表演所以近近地去後面街搵食大約6點左右入座唔洗排嚟到緊係要整番個肉骨茶飲啦肉骨茶可以揀唔同豬嘅部位我哋要咗豬腳雖然個煲唔係好大但呢度可以免費加湯唔怕唔夠飲！！必食！！檳城福建蝦麵個蝦湯十分香同濃郁唔好見到佢紅卜卜就以為係辣其實面頭個啲係蝦油嚟之前我試過叻沙，覺得蝦麵俾叻沙更好味砂煲老鼠粉熱辣辣上係會有加乘同埋佢份量都幾大個點會唔食埋咖央多士呢？記得一定要趁熱食呀！檳城白咖哩麵呢個我就覺得普普通通因為椰奶味太重，都唔係好食到其他味我哋食咗一粒鐘出嚟7點左右已經見到有少少人排隊所以如果唔想排嘅建議早啲嚟！
繼續閱讀
您可能會有興趣的...