馬祖台灣養生湯麵館 (厚福街)

營業中

休息中

今日同媽媽去尖沙咀行街，就去咗厚福街呢間馬祖台灣養生麵館午餐。舖內環境乾淨簡潔，店員服務態度有禮。見餐牌內容都係藥線湯底為主嘅麵食， 一於試下！上湯浸時菜：生菜帶住上湯內紅棗嘅甜味，脆嫩順滑。台中鹽酥福貿貢丸：鹽酥調味香氣四溢, 外脆內彈牙，食完一粒又一粒。藥膳桃膠農場雞配新竹米粉：湯底濃郁美味，散發住藥膳嘅香氣，雞肉肉質鮮嫩，桃膠滑嫩，紅棗香甜配合Q彈嘅新竹米粉，掛湯食真係爽滑滋味，好有滋補嘅感覺。飲品： 熱柑桔檸檬特飲，甜酸度適中，飲完暖粒粒。凍黑糖冬瓜茶，清甜不膩，清涼順喉。食完健康嘅午餐，能量滿滿。