饞。台式食堂 (如心廣場二期)

營業中

休息中

想飲台式奶茶但又未食飯，呢間台式餐廳成日同時滿足左我兩個願望。午市有唔同套餐可以選擇，豐儉由人。第一眼就睇中左藥膳排骨，加錢轉左手撕雞飯，套餐本來已經包左前菜。藥膳排骨既肉質軟腍，都算幾入味，藥膳湯比想像中淡味，但好啱我嘅口味，有陣獨有嘅藥材香，飲落去唔會太濃，係舒服既。手撕雞飯嘅味道都係偏淡雅，有手撕雞加持，唔使淨係食飯咁單調。相比起藥膳排骨，紅燒半筋半肉麵嘅湯底就濃郁得多，而且無論係牛肉定係麵條嘅份量都好慷慨，對於我黎講就食得有少少吃力🙈價錢叫咗一份燒仙草，係熱食既，味道正常，口感香滑，絲毫無甜膩既感覺，只係加十幾蚊都值得一試既。最後飲埋杯烏龍奶茶，滿足啦！