宮崎肉本舖 (已結業)

好耐無食過燒肉啦，一於趁朋友生日，來食番餐美味既燒肉。今次來呢間燒肉，網上評價超高，好多人都讚不絕口。想每款都試下，但又驚食唔到甘多浪費食物，所以就揀左lunch set啦。卡位坐得好鬆動之餘仲要係有落地大玻璃窗，望住維園，加上藍天白雲，真係令人心情都靚啲。九州A5和牛五寶盛合，有前菜，味噌湯，天然飯同天然飯，茶碗蒸，仲可以食到5款唔同牛既部位。牛肉嫩滑之後牛味超濃，而且仲入口即溶，牛肉點少少玫瑰鹽配飯簡直一流。除左燒肉，仲有鍋物可以選擇，呢度既博多風日本和牛牛腸鍋一定要食，可以食到福岡既味道。湯底清甜唔油膩，牛腸份量好多又大，而家仲好新鮮。