Noc Noc

營業中

休息中

呢間鋪頭衛生環境良好，佈置簡潔舒服，座位仲坐得好舒服，好啱一路食飯，一路傾計，慢慢食。餐牌都有好多唔同嘅選擇，食物同野飲都係。我地兩個人最後叫左法式燒春雞同蕃茄香草海鮮天使麵一齊食。法式燒春雞配上薯角同雜菜，燒春雞燒得幾均勻，脾位肉質嫰口，食落都算幾有肉汁，雞胸位食落相對地就比較乾，但整體而言都唔錯，雞皮位置燒得夠香口但又唔油膩，仲好脆口。薯角嘅份量適中，薯角厚身，咬落好脆，帶少少鹹味，冇翻炸過嘅油益味；雜菜普通，正正常常。而蕃茄香草海鮮天使麵，天使麵麵質煮得均勻，蕃茄香草湯底夠香濃，有唔少茄肉，令天使麵唔會好容易變乾。裏面有青口，魷魚，蝦同埋蜆肉等海鮮。海鮮都算鮮甜，完全冇腥味，而且份量都唔少。