鳳城酒家 (干諾道西) (已結業)

今晚澳門返香港，同三個朋友一行四人喺附近搵食，唔想打邊爐，又想食中菜，朋友就提議凰城，唔貴又有多小菜揀。不過嚟到就俾蒸氣鍋吸引左，我始終都比較鍾意食海鮮，就試佢地嘅4人海鮮餐，有5層海鮮塔。龍蝦一隻，落鑊時已經砌件，時間更易控制，每樣食物其實都有提醒我地蒸嘅時間，可惜我們4位淨係識食嘅，當然係無留意時間，好彩靚姐幫我地睇住，所以龍蝦唔會過熟。龍蝦唔算大隻，四個人每人三至四件左右，不過質素唔錯，食得出新鮮。貴妃蚌，我最愛，只要新鮮，就一定好食。今次蒜蓉粉絲蒸，粉絲吸引了貴妃蚌的鮮甜，一人一隻，覺得唔夠喉。粉絲帶子，帶子厚肉，粉絲有點太乾，如果有上湯配一配就更好。龍躉肉，肥厚皮滑，蒸嘅時間剛剛好，服務員靚姐好盡責幫我地開蓋上碟，確保肉質嫩滑。蜆雖然唔大隻，不過無沙，點辣椒豉油就好好味。驚唔夠食，所以另加了蝦丸墨丸，人手打，夠彈牙。蝦丸似足百花釀蟹鉗，誠意之作。最後，日月精華都去曬個粥底，係好鮮味，可惜太飽，真係食到兩啖咋。