蟹仙海鮮蒸氣石碢

營業中

休息中

放假同朋友試咗個尊貴海鮮套餐，感覺幾豐富。套餐包括膏蟹、韓國釜山野生鰻魚、澳洲青年龍蝦、秘製原隻南非乾鮑、大西洋野生青口、加拿大野生海虎蝦、黃金翡翠螺、蟹皇大元貝同埋有機蔬菜。餐廳有房，適合同一班朋友一齊聚會。餐廳窗口仲望到漁港，幾靚！首先，膏蟹嘅蟹膏幾多，帶有甘香味，蟹肉鮮甜。野生鰻魚夠肥美，唔會腥。龍蝦肉質爽口，都幾鮮甜。南非乾鮑幾彈牙。另外野生青口同加拿大野生海虎蝦，都不錯。黃金翡翠螺清甜。蟹皇大元貝嘅元貝蒸完都好大隻，蟹皇醬汁香濃。