蟹仙海鮮蒸氣鍋 (仁愛街) (已結業)

天氣凍凍地, 又唔想打邊爐，朋友介紹嚟食個蒸海鮮。餐廳標榜選用外國進口海鮮，讓我十分期待。由於今日唔多想食肉，所以選擇咗個全海鮮餐。店員先讓我哋自行調配醬料，蒸鍋下係排骨粥底。首先上帶子，鮑魚，生蠔，甜蝦，青口及大蜆店員協助蒸熟，完全唔需要自己動手。每款都好好食好鮮甜，完全不用點醬料。尤其係青口好有驚喜，唔腥仲好有鮮味。甜蝦有蝦膏，爽口！之後就到今日嘅主菜饅頭蟹，膏蟹同龍蝦。饅頭蟹真係第一次見，食落味道少咸同一般蟹肉質感有少少分別。膏蟹真係好好食，又多膏又香。龍蝦每人半隻，肉質鮮甜美味，但得半隻份量偏少。最後有個蒸蔬菜盤，清清地唔錯。之後就係海鮮粥底，每人一碗有剩打包回家，下次要記得自備餐盒。甜品一人一碗椰汁雪燕，足料，食得出幾有心機煮。而我哋點了柑桔檸檬（壺），開頭以為是凍飲一大壺，原來是熱飲一大杯，如果想點飲料的朋友要留意了。