平時都好鐘意打邊爐，呢間一鍋堂係我既愛店，前排先知原來一鍋堂既會員計劃好吸引!
新會員迎新優惠有免費鴛鴦湯底、贈送元貝，仲有積分升級系統，每月定期回贈會員現金券、折扣券、食物券、延長時間券等等。黃卡每月有九折優惠券、金卡八五折、白金卡八折，自己都即刻join左佢地既會員!
另外餐廳最近仲推出左全新晚市分鐘一人小鍋半自助套餐，一個人食都得
今次叫左個晚市放題D餐 日本黑毛和牛A4+套餐 $338
湯底選擇相當多，有辣有不辣，今次揀左壽喜燒湯，煮東西更清甜
肉類用手機QR Code落單，必食日本黑毛和牛A4+，油花分佈均勻，入口即化，香而不膩
除左牛以外，仲有豬、羊、雞等，必點包括極尚安格斯牛小排、澳洲M6和牛牛腹肉、南非和牛三花腱、美國特選安格斯牛肉、美國精選牛扒、西班牙豬梅肉片、伊比利亞黑毛豬、壽喜燒黑豚肉、紐西蘭羊卷肉等
牛小排食落有咬口，牛味亦會比較出
海鮮類好豐富，有桶蠔、磯煮鮑魚、花雕醉鮑魚、帆立貝、海蝦等，鐘意食魚既朋友仔可以試下白鱔片、脆肉鯇魚片、脆肉鯇魚腩、龍躉班頭腩、美顏花膠等等，私心磯煮鮑魚，爽口彈牙，好入味
自助區有丸同蔬菜等火鍋料，仲有多款熟食、即食小食，大滿足😍
飲品方面亦有好多選擇，有紙包裝和罐裝的，自家製有無糖或低糖茶飲，有助解膩😎
比較特別係有茶混酒，幾易入口! 另外仲有甜品同雪糕，成餐食到好飽
