火鍋放題通街都係，今次揀咗一鍋堂，真係要俾個讚自己👍🏻
覺得自己做咗精明消費者😎未落料
先飲湯，基本嘢啦。
今次揀嘅蕃茄湯底都算清甜，最突出嘅係有兩條手臂咁長嘅豬骨夠晒味，仲要俾埋支飲管你啜埋啲骨髓😍儀式感滿分。
入正題，講配料。對於我呢啲食肉獸🦁嚟講
肉類嘅選擇十分重要！有入口即溶嘅和牛，又有肉味十足嘅安格斯！海鮮夠晒新鮮🦐，完全冇另我失望！出去攞菜🥬，攞丸，攞菇🍄🟫，攞腸嗰陣，發覺唔單止選擇多，仲十分之整齊，經常有服務員去整理，唔會話有啲摷到烏煙瘴氣嘅情況出現。
一鍋堂仲有好多令人窩心嘅細緻位。
例如：啲脆嘅食物好似響鈴同埋炸魚皮咁樣，長期會有熱光燈照住保持乾爽脆口。啲周邊嘅熱食例如炸雞🍗嗰啲都唔會偷懶，食落有即炸嘅感覺！
最值得一提嘅就係佢哋自家研發嘅茶酒🍹，啱晒無酒不歡嘅朋友！甜品方面，有好多出邊食唔到嘅雪糕🍦口味任君選擇！
另外而家仲有會員迎新着數優惠及積分升級，每月定期回贈回員，現金卷，折扣卷，食物卷，延長時間券👍🏻
黃卡每月有9折優惠券；金卡每月有85折優惠券；白金卡每月有8折優惠券
#一鍋堂 #打邊爐 #火鍋 #任食火鍋 #旺角美食 #荃灣美食 #葵芳美食 #香港火鍋 #火鍋放題
