老港冰室

營業中

休息中

🥢最近見新都會地下開左間茶餐廳，同男友黎開葵芳行街就順便黎食晚餐。我地未夠6:00已黎到，下午茶時間都未完，餐廳入面已經坐滿人。睇睇餐牌真係幾多選擇。🥢我哋叫咗個臘肉臘腸蒸飯，上碟係用煲仔咁上。臘肉同臘腸都鋪滿晒成碗飯，如果唔係大食，其實都夠二人份量。臘肉同臘腸食落唔鹹，亦都蒸得比較腍，落埋薑絲好惹味。🥢另外見餐牌有個招牌酸菜魚有三個👍🏼👍🏼👍🏼，又係我至愛，冇理由唔試。一上碟睇到賣相，真係比出面好多餐廳整得優勝，除咗花椒、青花椒、辣椒🌶️、酸菜、萵筍、蘿蔔片，仲落咗鮮黃色既菊花花瓣真係好靚。🥢湯底一試又係我好鐘意既口味，酸菜味唔濃，反而麻辣味偏重，辣度都係小辣至中辣，啱哂我唔食得太辣。而魚塊數量都幾多，又大塊，肉嫩彈牙好鮮味，呢個值得一試。🥢見隔離枱叫左個鐵板餐，份量超大，男友話下次都想試下，我就想試炒小菜。