影片
更多
2023-08-05
261 瀏覽
酥酥 Pasty Lab ChouChou📍葵芳葵富路7號葵涌廣場3樓TOP世界3069-T13-T15號舖我老爸喺係葵涌廣場附近返工嘅，佢有時都會走入去葵廣，睇吓有無啲咩新奇嘢食。今次居然俾佢搶先一步，發現到有最近非常有人氣嘅牛角酥croffle小店，仲叫我去試吓添，所以就趁佢呢日放早同佢一齊去食啦！呢間嘅牛角酥全部都叫酥酥，每款都係先搽上蜜糖再即叫即整，上面可以放唔同嘅toppings，每款都好香甜酥脆！今次我哋就揀咗四款口味，同大家分享，睇完唔知你會最想食邊款呢？ 💰$38焦糖燉蛋 🍮Crème Brûlée 第一款揀咗Crème Brûlée口味，係呢間小店嘅人氣no.1款式，Crème Brûlée好香滑，雲呢拿味濃郁，焦糖面因為係即烤嘅關係，所以烤得好靚。奶黃唔會過甜，果然係no.1 嘅水準！ 💰$38肉桂蘋果 🍎Cinnamon Apple 蘋果批通常都係食熱辣辣嘅，但呢度嘅肉桂蘋果酥酥上面林嘅係凍嘅手作蘋果醬，但酥酥熱辣辣，形成強烈對比，好正！蘋果醬好香肉桂粉味，淨係打開個蓋就已經聞到好香嘅肉桂味啦，鍾意食蘋果批嘅大家必試。 💰$33朱古力 🍫Chocolate Dip
📍葵芳葵富路7號葵涌廣場3樓TOP世界3069-T13-T15號舖
我老爸喺係葵涌廣場附近返工嘅，佢有時都會走入去葵廣，睇吓有無啲咩新奇嘢食。今次居然俾佢搶先一步，發現到有最近非常有人氣嘅牛角酥croffle小店，仲叫我去試吓添，所以就趁佢呢日放早同佢一齊去食啦！
呢間嘅牛角酥全部都叫酥酥，每款都係先搽上蜜糖再即叫即整，上面可以放唔同嘅toppings，每款都好香甜酥脆！今次我哋就揀咗四款口味，同大家分享，睇完唔知你會最想食邊款呢？
[價錢 Price]
💰$38
焦糖燉蛋 🍮
Crème Brûlée
第一款揀咗Crème Brûlée口味，係呢間小店嘅人氣no.1款式，Crème Brûlée好香滑，雲呢拿味濃郁，焦糖面因為係即烤嘅關係，所以烤得好靚。奶黃唔會過甜，果然係no.1 嘅水準！
[價錢 Price]
💰$38
肉桂蘋果 🍎
Cinnamon Apple
蘋果批通常都係食熱辣辣嘅，但呢度嘅肉桂蘋果酥酥上面林嘅係凍嘅手作蘋果醬，但酥酥熱辣辣，形成強烈對比，好正！蘋果醬好香肉桂粉味，淨係打開個蓋就已經聞到好香嘅肉桂味啦，鍾意食蘋果批嘅大家必試。
[價錢 Price]
💰$33
朱古力 🍫
Chocolate Dipped
第三款我哋揀咗比較classic嘅比利時朱古力口味，酥酥沾滿半溶嘅朱古力醬，趁熱食嘅話仲可以食到流質狀嘅朱古力㗎，呢款推介俾鍾意食得比較甜嘅人！
[價錢 Price]
💰$43
意式芝士餅 🍰
Tiramisu
最後一款酥酥嘅口味係我最愛嘅甜品，tiramisu！酥酥上面擠滿tiramisu filling，佢係由特濃咖啡糖衣、忌廉芝士同可可粉整成，雖然無蛋糕嘅成份，但完美呈現Tiramisu嘅味道同口感！放喺酥酥上面食，一次過滿足兩大願望。
+$3 就可以雙拼，有啲食法仲可以一次過食到兩種甜品添，用一個食甜品嘅quota就享受到兩種甜品，真係又抵又滿足！
[價錢 Price]
💰$23
南非紅寶石 🇿🇦🫖
Rooibos Tea
小店無好多飲品選擇，而老爸就揀咗呢一隻無咖啡因嘅南非國寶茶，話食甜品最緊要飲茶。一飲，就覺得係好健康嘅味，我會形容為好似飲緊係有龜苓膏味嘅茶咁，雖然唔算好濃，但都幾生津解膩！
張貼
