嘉寶漢堡 (嘉寶大廈)

營業中

休息中

搭車成日經過，見到呢一間舖頭，一搵之下原來尖沙咀都有分店，所以咁啱嚟到附近就要試試。呢度自己搵位，嚟嗰時唔係太多人因為較早，所以可以有位坐，氣味非常濃郁，店舖充滿食物嘅味道。點咗個松露芝士牛肉漢堡和泰式蝦堡，個餐包咗一個薯條同埋飲品，另外加錢叫咗個番薯薯條，仲有炸芝士。好多食評都係話牛肉漢堡好食，不過一場嚟到，所以試吓其他味道嘅漢堡，泰式蝦漢堡，個蝦餅好厚身彈牙，好似食緊泰國蝦餅咁，蕃茄蔬菜都好新鮮。松露牛肉漢堡，值得一讚，不似普通的漢堡，牛漢堡咬落有口感，松露香味濃郁，唔會好死實咁。飲品都好多選擇，可以揀汽水，或者可以揀柚子蜜。個人推介番薯薯條，感覺好食過薯條，甜甜脆脆。