影片
更多
2025-02-09
169 瀏覽
已忘了多少年沒到過葵廣掃街，剛剛睇You Tube見到米紙Fiona帶佢老豆去葵廣搵食，又挑起我條筋，唔知今時今日既葵廣變成點架呢?人流沒我想像中的暢旺，小食店依然多，食物款式當然不是我細路嗰時食既嘢，既有墨西哥卷，又有西班牙油炸鬼，日式黃金炸壽司，甚至韓國 Oppa賣既芝士拉絲大餅，當然不會缺少國內的麻辣，與及各式各樣的茶飲店。今篇主要想介紹下呢間甜品店，1/2 Sweet。在葵廣生存的，自然都是小店，見舖頭係One Man Band，製作、收錢、接單，全是店主一腳踢，都咪話家陣啲後生仔唔勤力。試左個新出既雪糕甜品，挑了熱情芒桃口味。以法式的牛角可麗餅取代傳統既脆筒，外皮薄脆，沒有很韌，雪糕 (應該係雪葩)係採用Movenpick，再加上新鮮水果及朱古力百力枝作點綴，感覺清新，呢個組合亦肯定好吃。由於太吸引，又來了兩件Croffle回家品嚐，分別係咸蛋黃肉鬆，以及提拉米蘇，一咸一甜。牛角包窩夫，混入了Mochi，以豐富口感，即使回到家放了好一陣才吃，質感依然脆。咸蛋黃跟肉鬆，呢個配搭肯定穩陣。至於提拉米蘇，估唔到同扁身的Croffle都幾夾。下次再來葵廣，都會翻兜呢間，試埋佢其他口
已忘了多少年沒到過葵廣掃街，剛剛睇You Tube見到米紙Fiona帶佢老豆去葵廣搵食，又挑起我條筋，唔知今時今日既葵廣變成點架呢?人流沒我想像中的暢旺，小食店依然多，食物款式當然不是我細路嗰時食既嘢，既有墨西哥卷，又有西班牙油炸鬼，日式黃金炸壽司，甚至韓國 Oppa賣既芝士拉絲大餅，當然不會缺少國內的麻辣，與及各式各樣的茶飲店。
今篇主要想介紹下呢間甜品店，1/2 Sweet。
在葵廣生存的，自然都是小店，見舖頭係One Man Band，製作、收錢、接單，全是店主一腳踢，都咪話家陣啲後生仔唔勤力。
試左個新出既雪糕甜品，挑了熱情芒桃口味。以法式的牛角可麗餅取代傳統既脆筒，外皮薄脆，沒有很韌，雪糕 (應該係雪葩)係採用Movenpick，再加上新鮮水果及朱古力百力枝作點綴，感覺清新，呢個組合亦肯定好吃。
由於太吸引，又來了兩件Croffle回家品嚐，分別係咸蛋黃肉鬆，以及提拉米蘇，一咸一甜。牛角包窩夫，混入了Mochi，以豐富口感，即使回到家放了好一陣才吃，質感依然脆。
咸蛋黃跟肉鬆，呢個配搭肯定穩陣。至於提拉米蘇，估唔到同扁身的Croffle都幾夾。
下次再來葵廣，都會翻兜呢間，試埋佢其他口味既雪糕/雪葩甜品，尤其有興趣佢既D24榴槤雪葩！
張貼
