影片
更多
2025-02-06
345 瀏覽
今日聽朋友介紹去咗葵廣掃街！都有一排冇去啦！佢話呢間宇治初時好出名，YouTube好多人介紹！所以即刻去試吓。去到見到佢Menu其實得三款粉揀，分別係鯛魚濃湯，蝦濃湯同埋極尚濃湯。朋友問咗店員，極尚濃湯就係有鮑魚同埋其他配料。但我哋今次就冇試到啦。叫咗一個鯛魚濃湯同一個蝦濃湯粉絲。其實佢都有好幾款可以揀，可以揀米粉米線粉絲等！但因為去嘅人都多，落咗單之後要等差不多15分鐘先有得食。兩款個湯都好濃，好正！完全唔腥，仲非常之香！兩款個湯都有啲相似，蝦濃湯就會多咗啲鮮蝦味。蝦濃湯嗰款上面配咗幾隻鮮蝦，佢幫你剝埋殼，好易食。鯛魚濃湯就有少少魚骨，食嗰陣要小心啲，但個魚超級爽口彈牙！兩個湯頭配粉絲都好正，而且係足夠飽肚嘅份量！唯一缺點係冇得坐喺度食，食湯粉嚟講一路行一路食都有啲論盡，舖頭有一張可以立食嘅枱，但客人數目比較多，可能就要等吓先有得用啦！如果驚冇位，叫外賣返去食就最舒服啦！
去到見到佢Menu其實得三款粉揀，分別係鯛魚濃湯，蝦濃湯同埋極尚濃湯。
朋友問咗店員，極尚濃湯就係有鮑魚同埋其他配料。但我哋今次就冇試到啦。
叫咗一個鯛魚濃湯同一個蝦濃湯粉絲。其實佢都有好幾款可以揀，可以揀米粉米線粉絲等！
但因為去嘅人都多，落咗單之後要等差不多15分鐘先有得食。
兩款個湯都好濃，好正！完全唔腥，仲非常之香！兩款個湯都有啲相似，蝦濃湯就會多咗啲鮮蝦味。蝦濃湯嗰款上面配咗幾隻鮮蝦，佢幫你剝埋殼，好易食。鯛魚濃湯就有少少魚骨，食嗰陣要小心啲，但個魚超級爽口彈牙！兩個湯頭配粉絲都好正，而且係足夠飽肚嘅份量！
唯一缺點係冇得坐喺度食，食湯粉嚟講一路行一路食都有啲論盡，舖頭有一張可以立食嘅枱，但客人數目比較多，可能就要等吓先有得用啦！如果驚冇位，叫外賣返去食就最舒服啦！
張貼
