影片
更多
2019-03-04
141 瀏覽
今次專登入馬灣食buffet，對我呢個大西北人嚟講都算方便去嘅。我就喺荃灣西站搭接駁巴士NR331S($12.6)，總站就係#挪亞方舟 正門，總車程大約廿五分鐘。.由即日至4月30日，挪亞方舟酒店豐盛閣嘅buffet主題係「情迷葡萄牙海鮮自助晚餐」。顧名思義除咗有海鮮外(當晚有松葉蟹、青口、螺、海蝦同藍青口)，仲有多款葡國菜。我覺得葡萄牙烤乳豬唔錯，皮帶點點脆，皮下脂肪唔會太厚，食落幾香而邪惡感冇咁高，肉亦唔會嚡口，自助餐嚟講呢個質素收貨！😛不過有時會見到正係俾人拎哂啲乳豬皮😂還好餐廳都會好快refill新嘅烤乳豬。另外仲有馬介休炸薯球、葡式燴牛尾等等熟食，特別推介大家可以試吓紅燒豬串骨🤣食落又幾特別，肉幾嫩滑，記得要點泰式辣醬食！壽司刺身都有。.當然唔少得去餐廳門口嘅戶外燒烤區，我拎咗燒雞翼、羊架、雞扒同腸仔。記得拎自助醬汁，醬汁有照燒汁、黑椒汁、燒汁等等，如果有蜜糖就更好啦😛.甜品方面，蛋糕甜品都有十款左右，整體未算特別出色，但我會特別欣賞芒果拿破崙，拿破崙仲係脆身的。仲有啱哂小朋友嘅朱古力噴泉，但對我呢啲非小朋友嚟講實在太甜😂所以我只有影吓相，但就冇食了🙈雪糕係Dreyer’s，
我就喺荃灣西站搭接駁巴士NR331S($12.6)，總站就係#挪亞方舟 正門，總車程大約廿五分鐘。
.
由即日至4月30日，挪亞方舟酒店豐盛閣嘅buffet主題係「情迷葡萄牙海鮮自助晚餐」。
顧名思義除咗有海鮮外(當晚有松葉蟹、青口、螺、海蝦同藍青口)，仲有多款葡國菜。
我覺得葡萄牙烤乳豬唔錯，皮帶點點脆，皮下脂肪唔會太厚，食落幾香而邪惡感冇咁高，肉亦唔會嚡口，自助餐嚟講呢個質素收貨！😛
不過有時會見到正係俾人拎哂啲乳豬皮😂還好餐廳都會好快refill新嘅烤乳豬。
另外仲有馬介休炸薯球、葡式燴牛尾等等熟食，特別推介大家可以試吓紅燒豬串骨🤣食落又幾特別，肉幾嫩滑，記得要點泰式辣醬食！
壽司刺身都有。
.
當然唔少得去餐廳門口嘅戶外燒烤區，我拎咗燒雞翼、羊架、雞扒同腸仔。
記得拎自助醬汁，醬汁有照燒汁、黑椒汁、燒汁等等，如果有蜜糖就更好啦😛
.
甜品方面，蛋糕甜品都有十款左右，整體未算特別出色，但我會特別欣賞芒果拿破崙，拿破崙仲係脆身的。
仲有啱哂小朋友嘅朱古力噴泉，但對我呢啲非小朋友嚟講實在太甜😂所以我只有影吓相，但就冇食了🙈
雪糕係Dreyer’s，只有三款口味。因為我唔太食水果口味嘅雪糕，所以我就只拎雲呢拿雪糕食🙈
話說大家一定要請甜品部師傅整個香蕉pancake(亦有雜果選擇)，然後自己加球雲呢拿雪糕落去😋
呢到嘅pancake皮帶點煙韌，幾好食。
熱辣辣即製嘅pancake加上冰凍嘅雪糕，好正！大家記得都試吓😛
大概8點幾嘅時候仲有限時甜品火焰雪山推出，有表演睇呢。
btw甜品部叔叔好nice，我每次經過佢都問我要唔要xx、食唔食xx等等🤣詳情上番佢地fb page睇啦！
.
我星期五晚去食buffet都係五成滿左右，啱哂好似我呢啲怕同人逼嘅人🤣
呢到嘅buffet其中一個賣點係可以坐喺望到青馬大橋夜景嘅窗邊食吧🌃
食完buffet可以去隔離沙灘影相同行吓消化吓～
.
自助晚餐
$388/位 (星期一至四)
$428/位 (星期五至日及公眾假期)
以上價格需再加10%服務費
PS 而家有三月優惠，二人同行嘅話其中一人就只需$3！咁計番抵食好多呢😌
張貼
