藍鳥葡國餐廳

營業中

休息中

成日經過都無食過，呢日心血來潮第一次入去食個lunch呢度比較先進 用qr code落單嘅，但咁啱我哋被安排係一個入啲嘅轉角位，我由頭到尾都收唔到訊號，然後餐廳入面又冇wi-fi, 呢個位有啲kik後尾我哋見隔離枱走咗，我哋就直接換位坐咗過去，d staff 由頭到尾都好好人，全程好好招呼，都好有禮貌但我叫咗個葡國雞飯 就真係伏到唔識講佢個menu其實都好多嘢揀嘅但我見佢標榜係葡國餐廳所以就心郁叫咗個葡國雞焗飯，諗住差極有限，點知上到黎 先知原來佢係分開咗只有葡國雞拎去焗，飯就只係一碟白飯咁直接上，唔夠熱最慘係個葡國汁，從未食過咁難食，基本上只到淡咗嘅椰汁味，隻雞無味，叫做唔算好鞋/好肥，但真係一啲雞味都無，我自問要求算低，但呢個葡國雞真係不可一不可再......另外因為佢內部裝修可能為咗靚，用咗好多磁磚砌啲藍色雀出嚟，啲聲係咁反彈，成餐飯都嘈到不得了，雖則啲人講嘢唔係特別大聲，但下次都係去返對面靜靜哋食個安樂茶飯好過