吞POT 雞煲火鍋.住家菜 (譽發廣場) (已結業)

真係樓盤廣告咁都要先提一提餐廳嘅環境～180度落地大玻璃設計令食客覺得心曠神怡，又開陽採光又好，而餐廳喺22樓景觀真係無得輸，係我見過最有景嘅雞煲餐廳～而食物質素方面亦屬中上，雞煲夠香濃，辣度有多個選擇，而且雞嘅肉地又滑又多肉，令人食到停唔到口！有幾款唔同嘅雞煲，我試左雞煲配搭辣酒煮花螺，啲螺肉都好新鮮好有螺味，而配合秘製醬汁更加惹味～餐廳嘅大檸樂真係好大杯，最適合食到個口辣辣地中和下～而餐廳有一個非常標誌性嘅大魚缸，男女老幼都鐘意睇下魚～價錢方面亦都合理，大大杯檸樂都係36蚊，而其他食物都性價比高。總括而言，推介鐘意雞煲火鍋嘅你試一試吞pot~!野好食，環境靚，侍應亦都絕不”吞pot”，服務周到😋