+886 台味飯桌仔 (已結業)

見係附近買完六合彩，見到有新出豬腳飯，無理由唔試下，仲有小食，牛肉麵等等，價錢大眾化，唔使加一。萬巒豬腳飯比我想像中有驚喜，豬腳好香口，又夠入味，充滿骨膠原，肉質都嫰滑，仲有滷肉同炸甜不辣，送飯一流啊。紅燒牛肉烏龍麵牛肉採用牛腱，炆得軟淋，份量都唔少，湯底個人覺得幾濃，唔油膩都不錯。煙燻豬耳朵 份量都幾多，滷得入味，咬落好爽脆，唔會太鹹。日式烤奶加波霸珍珠軟軟糯糯又Q彈，好飲。烏龍茶茶味甘香，好解渴。