影片
更多
2022-08-30
126 瀏覽
太耐冇出國，今次決定望梅止渴！光臨左一間設計靈感來自80年代義大利西西里島風情既餐廳，入到去感覺入左義大利歌劇院咁，用華麗作主題佈置，充滿意風圖形地毯、壁畫、窗簾和私人定制的照明設備，所有餐碟更由義大利工匠手工製作。在華麗及復古的環境下，品嘗新鮮製作的義大利菜，當自己去左個小旅行🥶由於佢Tasting menu菜式選擇太多，問左個待應推介左幾款，就跟佢推既試下！Branzino Crudo前菜，用橄欖、義大利乳酪料理調味既地中海新鮮海鱸魚生魚肉，口感好Fresh，鮮甜多汁，近期香港夏天幾熱大家都知，用依個菜開胃一流VITELLO TONNATO DELLA DOMENICA第2道菜薄切烤牛肉，肉既份量意外地咁多，仲要火侯掌握得好準確，粉嫩多汁，配上Tuna Mayo(吞拿魚蛋黃醬)，肉味再次昇華Gran King Crab Chitarra 墨魚汁義大利粉，醬汁有帝王蟹絲、醬汁由蕃茄、芫荽調製並帶辣香，墨汁面好有口感，醬汁味偏濃，辣度重岩鐘意食重口味既朋友：）BEEF TENDERLOIN ALLA BOSCAIOLA最後主菜200G既燒和牛配大啡菇，牛肉外脆內軟，份量足口感一流，大啡
由於佢Tasting menu菜式選擇太多，問左個待應推介左幾款，就跟佢推既試下！
Branzino Crudo
前菜，用橄欖、義大利乳酪料理調味既地中海新鮮海鱸魚生魚肉，口感好Fresh，鮮甜多汁，近期香港夏天幾熱大家都知，用依個菜開胃一流
VITELLO TONNATO DELLA DOMENICA
第2道菜薄切烤牛肉，肉既份量意外地咁多，仲要火侯掌握得好準確，粉嫩多汁，配上Tuna Mayo(吞拿魚蛋黃醬)，肉味再次昇華
Gran King Crab Chitarra
墨魚汁義大利粉，醬汁有帝王蟹絲、醬汁由蕃茄、芫荽調製並帶辣香，墨汁面好有口感，醬汁味偏濃，辣度重岩鐘意食重口味既朋友：）
BEEF TENDERLOIN ALLA BOSCAIOLA
最後主菜200G既燒和牛配大啡菇，牛肉外脆內軟，份量足口感一流，大啡菇好入味，調味醬汁亦系比較濃身，配埋和牛同大啡菇簡直系一流！
TOMATO SALAD
主菜可以再加配個沙律消化下
再要左兩杯Signature Cocktail
Red feathers & Unicorn Tamer 🦄
一上枱賣相勁可愛，岩晒女仔打卡用
最後甜品係見到好多人都叫的Tiramisu 😀
好正宗好大杯，夠兩個人Share，抵阿！
總結，場地應落好重本，印象深刻，有人生日員工會成班用義大利文同你唱生日歌，熱情對客，食物亦有水準。真系好值得帶你重要既人黎體驗。
張貼
