素聞GRAND集團係由澳門葡京飲食集團打理，除咗最出名嘅樂宮腰果曲奇蝴蝶酥葉都係另一樣手信必備之前但估唔到係合和二期呢間分店有一間金華麗嘅CAFE。
本來今日係去第二間COFFEE SHOP，但行過都比門口吸引咗靚到好似珠寶店咁。而其中最令我好奇嘅係竟然見到有六款芝士蛋糕賣，不過最奇怪係每條蛋糕長短不一。再向經理了解，原來呢度係按重量賣芝士蛋糕，而唔係按一個個賣，係食幾多買幾多。而且好均真，你可以試食覺得啱先至買。
見到有合和二期限定版嘅臘味大甲芋頭芝士蛋糕，呢個組合好古怪，但係好吸引，唔知會唔會好似芋頭糕咁呢？
同場仲有馬達加斯加雲呢拿，同埋小山園抹茶，呢兩個都係我至愛。即時二話不說同經理講，要呢三隻口味大概100 g左右。
只見經理真係好似珠寶店咁樣，珍而重之咁將芝士蛋糕攞出嚟
，好細心咁切下一片，放上去電子磅。成個過程好有儀式感，之後經理用極其專業非常小心十分熟練嘅手法，用張紙包起個芝士蛋糕，成個過程乾淨俐落，令人賞心悅目。之後就包到好似一舊金磚咁。淨係呢一份尊重同專業已經加晒分。
金菊園臘腸大甲芋頭芝士蛋糕$58/100g
呢個限量特別版口味，真係有一粒粒嘅臘腸同埋都頗濃郁嘅芋頭味，不過由於佢係鹹食，同一般嘅芝士蛋糕真係好唔同。的確有幾分似臘味芋頭糕。😆
日本丸久小山園青嵐抹茶芝士蛋糕$48/100g
收得呢個價錢，佢哋用料真係好重手。抹茶味香濃醇厚，加一杯咖啡的確係最好嘅下午茶。
馬達加斯加雲呢拿芝士蛋糕$48/100g
芝士蛋糕入面滿有粒粒嘅雲呢拿籽，而且有一份雲呢拿天然嘅清香，唔太甜，呢個組合好完美。
估唔到除咗曲奇餅同埋蝴蝶酥，GRAND集團嘅芝士蛋糕，一樣令人充滿信心。下次可以坐低再試吓佢哋嘅咖啡同其他產品先。
1
