Tagline Restaurant and Bar (已搬遷) 新店位置

好少見到一間餐廳冇負評，呢排有少少食印度菜食上癮，所以再戰！Chicken tikka salad 300g 都唔算細盤，沙律菜新鮮，特別係蕃茄仔相當清甜，沙律醬另外上（秘製），咁就唔驚太淡或者太濃，雞肉同樣有醃製過，作為前菜都幾開胃。Shish touk上枱已經夠晒吸引，兩大條鐵串一拼上枱 肉質用阿拉伯香料所醃製過，但並不會好鹹，梅花間竹有黃椒紅椒洋蔥。全部用上雞脾肉，嫩滑到不得了，切出嚟仲有雞汁漏出，成餐飯不停講好味好味。拌碟嘅沙律帶微甜，仲有粒粒紅石榴，正！Truffle nann好少見到有黑松露味嘅即管試一試，烤餅好厚但帶有足夠嘅軟熟感，松露份量好多亦好香，點上malsala醬亦有另一番風味。Prawn malsala 專登叫一個有汁嘅可以點烤餅，malsala其實同butter個醬差唔多味，只係多咗份辣！醬汁非常濃稠，顏色呈橙紅，質感好滑，蝦肉超級大隻而且爽口彈牙。