影片
更多
2019-12-07
176 瀏覽
係呢頭開會早啲收工索性係附近搵食，一上openrice 就見到呢間舖頭係頭幾位，咁啱想食burger 就過黎啦，呢度地方唔算大，但因為時間尚早都未有其他客住，裝修比較歐式但又加咗啲好得意嘅Pizza poster 畫係度。睇返食物，大大張餐牌寫住終極漢堡，仲唔係必食？其他食物都好似唔錯，Pizza都係出名嘅，但一個人食一份Pizza又好似太飽。點Burger嘅時間職員仲會問想個burger 幾成熟，第一次食burger 有得揀，食扒食好三成熟，今次叫個7成熟試下先～Burger 上碟真係好大份呀，而且牛肉好厚，包係軟包但有焗過，所以個包面係少少脆口，有芝士、洋蔥、煙肉、生菜，咬落好豐富嘅口感。值得一提嘅係薯條，炸到好香脆，非常好食。而且佢地有自己嘅醬，除咗茄汁之外仲有辣汁、mayonnaise，仲有最特別嘅松露醬，要黎點薯條唔錯，相入面左邊果支就係松露醬，明顯都係俾人用得最多嘅。食飽咁啱見到店員攞咗盤新嘅Tiramisu 出黎突然好想食就叫埋，味道唔錯，咖啡味唔重，餅底係我鍾意嘅消化餅餅底，配埋杯熱Mocha 就perfetto啦～呢度杯Mocha好得意，平時係打奶泡拉花，呢度係用朱古
睇返食物，大大張餐牌寫住終極漢堡，仲唔係必食？其他食物都好似唔錯，Pizza都係出名嘅，但一個人食一份Pizza又好似太飽。
點Burger嘅時間職員仲會問想個burger 幾成熟，第一次食burger 有得揀，食扒食好三成熟，今次叫個7成熟試下先～
Burger 上碟真係好大份呀，而且牛肉好厚，包係軟包但有焗過，所以個包面係少少脆口，有芝士、洋蔥、煙肉、生菜，咬落好豐富嘅口感。值得一提嘅係薯條，炸到好香脆，非常好食。
終極漢堡
$88
58 瀏覽
0 讚好
0 留言
而且佢地有自己嘅醬，除咗茄汁之外仲有辣汁、mayonnaise，仲有最特別嘅松露醬，要黎點薯條唔錯，相入面左邊果支就係松露醬，明顯都係俾人用得最多嘅。
食飽咁啱見到店員攞咗盤新嘅Tiramisu 出黎突然好想食就叫埋，味道唔錯，咖啡味唔重，餅底係我鍾意嘅消化餅餅底，配埋杯熱Mocha 就perfetto啦～呢度杯Mocha好得意，平時係打奶泡拉花，呢度係用朱古力黎拉花架～
Tiramisu
4 瀏覽
0 讚好
0 留言
張貼
