INN - I’m Not Nothing

營業中

休息中

約左好耐無見既朋友食飯， 佢介紹荔枝角呢間inn-I’m nothing 唔錯， 氣氛環境好舒適，岩哂我地2人聚會傾計。我地點左香煎虎蝦蕃茄意粉。虎蝦好新鮮，煎得剛剛好，肉質滑嫩爽彈，蕃茄醬好濃郁，味道好好，同意粉完美結合。但意粉有小小硬， 整體黎講，呢道菜好好味。我地仲叫左慢煮西班牙黑毛豬鞍伴香桃醬。呢道菜嘅主角係黑毛豬鞍，佢慢慢煮到好嫩滑，有好多汁。香桃醬係一個完美嘅配搭，甜味同豬肉嘅鹹味好平衡，可以去膩。最後點左肉桂蘋果杏仁片焦糖忌廉班戟作結，甜品好精美，上桌時已經陣陣肉桂香味，班戟軟熟帶點煙靭，蘋果醬帶點酸，口感和味道層次豐富。