紅米 (億利工業中心)

營業中

休息中

今日第一次去荔枝角出job，其實之前都黎過呢到，但真係比較少平日晏晝黎，哇1點都未到間間餐廳都要排隊咁，超多人，我勁驚訝原來啲人咁早食飯，最尾因為我自己一個，誤打誤撞黎左呢間餐廳，見入面都幾大，好快就到我，叫左個黑椒炸豬扒飯，加5蚊加左隻太陽蛋，超抵食，仲有沙律，野飲，個豬扒炸得好香，有肥有瘦，好開胃，最尾埋單都只係50蚊，如果唔加隻蛋仲要45蚊，仲要問我食唔食雪糕，由於我少食雪糕加上太飽就冇食。