Kotori_Lbird

營業中

休息中

荔枝角工廈美食尋寶～記得以前食過呢間嘅關東煮，原來佢搬左鋪。鋪頭大廚係日本人，一入門就講日文歡迎你😊而且見佢手勢好純熟，快快趣就準備好兩個外賣。👉🏻山芋炭燒鰻魚飯鰻魚份量唔少😋大大片鋪係飯面好吸引，加山椒粉食好惹味，而且無骨👍🏻山芋即係淮山，本身無特別味道，口感黏黏哋，包住飯粒食落好軟滑。飯係糯麥＋珍珠米嘅組合，口感十足，可以品嘗到飯嘅香味。👉🏻十蔬雞肉特制烏冬健康之選～10種蔬菜加雞肉，當中最特別係里芋，爽爽地又滑滑地。湯底清甜，同煙韌嘅烏冬好夾。