南本草 (已結業)

呢間Cafe以涼茶為主題，大膽地將涼茶加入咖啡同食物當中，菜單相對健怡及養生，味道非常創新！養生腐皮福袋烏冬（$72）賣相相當可愛！以巨型腐皮包裹著烏冬，打卡一流。湯底以蟲草熬製而成，味道清甜，屬養生之選。如果有啲配料就更好，略嫌定價有點進取。野蜂蜜冰•白玉丸子•紅豆窩夫（$68）窩夫酥脆可口，表面鋪滿香甜嘅紅豆粒同煙韌軟糯嘅白玉丸子，仲有粒野蜂蜜冰，有潤喉作用～ Ecuador Cocoa ($46)選用厄厚多爾可可豆，朱古力香醇濃郁，口感幼滑，非常驚喜！Nitro Five Flower Tea ($45)五花茶表面蓋上一層厚厚嘅泡沫，令質感有層次。整體花香突出，亦唔會苦，清熱解渴。