新貴香園 (荃昌中心)

營業中

休息中

呢間雲南米線喺荃灣嚟講都算幾出名？每次繁忙時間門口都圍住好多人🤣我之前都食過好多次酸辣米線，味道中上，小食嚟講 皮蛋/腐皮角同香酥茄子都幾好食。上次經過唔太想食辣，叫左個沙嗲米線，哇真係一試難忘🥰🥰今次特登再嚟食叫左個沙嗲上海粗麵，配腐皮角同腸仔 $48，一上枱已經聞到好濃郁嘅沙嗲+花生醬味，但湯底好香濃，但係一啲都唔會過鹹‼️呢樣好難得，因為我口味比較清淡🤣但係啖啖都有粒粒花生碎，真係好香❤️上海麵比起米線更加吸湯，所以掛滿左沙嗲湯，入口順滑，兩款配菜都係炸過再煮，所以好香口，尤其是腐皮角，個人認為係必食😌腸仔就正常發揮，加埋脆爽生菜，一碗好快就見底lu，又係食飽飽嘅一日。