滿屋日本料理 (大鴻輝(荃灣)中心) (已改名) 查看

首先，嗰度啲嘢係好食嘅，刺身係新鮮嘅。果度都多人既，就算係平日星期三夜晚，都勁多人。但佢竟然可以張所有位都縮到勁！窄！勁！細！真係CLS咁都得，我真係唔知應該讚佢100%奉行香港地少人多既特色，定係話佢識善用資源好🫠我哋四個人，兩個男仔兩個女仔，我哋連兩個男人坐埋一邊都做唔到。一定要一男一女坐一邊先坐到，個座位仲要連個背囊都放唔到，要放喺地下明明好多位剩，但係竟然將四個人塞入一個正常西餐廳嘅二人座位。啲座位好窄，好難出入，臨走出去買單嗰陣，仲搞到我條頸巾比我逼到跌咗落地下😑 $4xx一條友，都未平到要我坐喺個d比大排檔仲要窄嘅位裏面食飯掛？然後嗰啲位靠背仲唔係固定喺地下！即係話你後面啲人坐低起身行嚟行去，你個座位就會俾人地郁到銀行銀下。🥲跟住唔知道係唔係佢比員工嘅人工太低定係工時太長，個個都黑口黑面，又成日唔應人，上菜仲超級無敵慢🙄Conclusion:1. 衛生環境一般2. 座位舒適度非常之差3. 服務態度差4. 食物幾好味要唔要去呢度食嘢你自己諗啦。如果你生得又矮又細粒嘅話可能會好啲嘅。我會建議外賣拎走。